adminNarito ang mga aabangang aktibidad ngayong UP Diliman Pride Month! Makiisa sa mga ito at gamitin ang hashtags: #SulongBahaghari #EQUALITYNOW #UPDPRIDE2022 #UPPride #UPDilimanPRIDE Maraming salamat sa obrang likha ni Patricia Ramos
adminSULONG, BAHAGHARI! Online Pride Protest and Celebration Mhie! Bhie! Mga accla! Invited ang buong UP Diliman community sa ating online Pride Protest and Celebration sa June 24, 9AM! Isama ang buong opisina, pamilya, mga kaibigan, at tumutok na sa ating FB Live! Abangan ang mga mensahe ng pakikiisa at mga pagtatanghal alay sa makulay na kasaysayan ng paglaban at tagumpay ng LGBTQIA++ community. Kung nais magtanghal at magsumite ng inyong mga likhang-sining, mag-sign up lamang sa google form na ito: http://forms.gle/UUJqQcYFZAzN2nT28 Makiisa sa Pride ngayong buwan at gamitin ang mga hashtags sa inyong mga posts #SulongBahaghari #EQUALITYNOW #UPDPRIDE2022 #UPPride #UPDilimanPRIDE
adminMaligayang ika- 124 na Paggunita ng Ating Kalayaan! Ngayong Araw ng Kalayaan, sa araw ng paggunita ng ating kasarinlan, kasabay din sana ito ng paglaya nating mga Pilipino laban sa anumang uri ng kahirapan, karamdaman, at kawalang hustisya. Ang kalayaan ay paglaya ng kababaihan laban sa diskriminasyon at pang-aabuso. Ang kalayaan ay paglaya ng mga LGBTQIA++ individuals laban sa pambabastos at pagpatay. Ang kalayaan ay paglaya ng mga magsasaka at iba pang manggagawang bukid na makapagsaka ng sariling lupa. Ang kalayaan ay paglaya ng mga manggagawa laban sa abusado at masalimuot na kondisyon sa trabaho. Ang kalayaan ay paglaya ng mga mamamayan laban sa hirap at panganib ng pandemya. Ang kalayaan ay paglaya ng mamamayan sa kagutuman at kawalan ng ligtas at maayos na tahanan. Ang kalayaan ay paglaya ng mga mamamayan na magpahayag ng kanilang pagnanais para sa isang makatarungan at maginhawang bansa. Maging paalala sana ang Hunyo 12 na bahagi ng ating pagdiriwang at paglaya ay ang patuloy na pagtamasa natin sa mga batayang karapatan natin bilang tao at mamamayan ng ating bansa.
adminSULONG, BAHAGHARI! PARA SA MALAYANG BUKAS UP DILIMAN PRIDE 2022 ISANG MAKULAY AT MAPAGPALAYANG BUWAN NG HUNYO! Kaisa ng buong LGBTQIA++ community ang UP Diliman at UP Diliman Gender Office sa martsa at pagdirirwang ng Pride Month. Ngayong taon, ang tatanganang tema ng UP Diliman para sa Pride Month 2022 ay Sulong Bahaghari para sa Malayang Bukas. Nabuo ang temang ito sa sama-samang pagkukuro-kuro at pag-aaral ng mga kasapi ng UP Diliman GAD Committee. Bitbit ang bahagharing kasaysayan, kwento, at paglaban, magpapatuloy sa pagsulong para sa malayang bukas ang LGBTQIA++ community. Hanggang sa kasalukuyan, talamak pa rin ang diskriminasyon at pang-aabusong natatamasa ng LGBTQIA++ community sa loob at labas ng unibersidad. Sa ginawang pag-aaral ng UPDGO na ‘SOGIESC Situation in UP Diliman’, ang karaniwang kaso na may kinalaman sa kasarian na nararanasan ng mga mag-aaral, empleyado, at kawani ng UP Diliman ay ang mga sumusunod: pisikal at sekswal na pang-aabuso, voyeurism at bullying online, discriminatory at stigmatizing na mga komento, at deadnaming o misgendering. Ito ay ilan lamang sa mga pang-aabuso at isyung kinakaharap ng komunidad kasabay pa ng pang-ekonomiya at pulitikal na mga suliranin. Sa panahong lumalakas at dumarami ang banta ng pag-atake sa mga karapatan ng mamamayan, lalong palalakasin ang ating hanay upang mas paigtingin ang boses at kulay ng paglaban para sa makatarungan at maginhawang buhay para sa lahat. Patuloy tayong susulong sa kabila ng hirap na dulot ng pandemya at sa hamon ng bagong administrasyong nasa ngayon ay walang malinaw na planong naihaharap sa taumbayan. Sa kabila ng mga kaganapang walang kasiguraduhan, ang ating mga kwento, karapatan, at pagkilos ang tiyak na sandata natin. Mahirap sumulong ngunit kailangang harapin ang hamon ng kasalukuyan. Mahirap magpatuloy ngunit posible lalo at sama-sama. Makiisa sa Pride ngayong buwan at gamitin ang mga hashtags sa inyong mga posts #SulongBahaghari #EQUALITYNOW #UPDPRIDE2022 #UPPride #UPDilimanPRIDE Maraming salamat sa obrang likha ni Patricia Ramos
adminInaanyayahan ang lahat ng mga opisina, yunit, organisasyon sa UP Diliman na makiisa sa darating na pagdiriwang ng IDAHOBIT 2022 at ng UP Diliman Pride 2022 sa pamamagitan ng paglulunsad ng iba’t ibang mga aktibidad mula buwan ng Mayo hanggang Hunyo. Inaasahan namin ang inyong mga malikhain at pangmalakasang gawain upang maisulong ang ating mga panawagan para sa karapatan ng lahat ng kasarian. Ilang mga halimbawa ay mga webinars, forums, talks, workshops, art showcase, film showing, at iba pa!
