Naging matagumpay ang partisipasyon ng UP Diliman Gender Office sa Asian Studies Association of Australia (ASAA) Conference na ginanap noong Hulyo 5-8, 2022 sa Monash University sa Clayton Campus na may temang “Social Justice in Pandemic Times”. Nakiisa sina Coordinator Kristel May Gomez-Magdaraog at Guidance Specialist Anna Villanueva sa kumperensya sa Australia samantalang nakiisa sina Research and Publications Officer Stephanie Andaya at Gender and Development Officer Cindy Cruz-Cabrera via Zoom upang mabuo ang panel ng UPDGO na may titulong “Gender Responsiveness in the time of Covid-19: The University of the Philippines Diliman Gender Office Experience”. Ang ASAA Conference ay ginaganap dalawang beses sa isang taon. Si Associate Professor Sharyn Davies ang convenor samantalang kapwa hosts ang Monash University at ang Herb Feith Engagement Centre. Hitik sa iba’t ibang aktibidad at gawain ang nasabing kumperensya gaya ng paglulunsad ng mga libro, roundtable discussions at workshop, webinars, ang plenaryo ng presentasyon ng mga papel, at iba pa. Ito ay isa sa mga pinakamalaking pagsasama-sama ng mga eksperto sa Asya at karatig na rehiyon. Pinangunahan ni Kristel May Gomez-Magdaraog ang panel sa kanyang papel na “Gender Mainstreaming in the University of the Philippines Diliman: The Covid-19 Pandemic Era”. Sinundan ito ng papel ni Guidance Specialist Anna Villanueva na pinamagatang “Gender-Based Violence: A Protocol for the University of the Philippines as an Urgent Response in the Time of Covid-19 Pandemic.” Ibinahagi naman ni Gender and Development Officer ang kanyang papel na may titulong “A Collaborative and Consultative Research Process towards Gender Mainstreaming Frameworks and Mechanisms in the COVID-19 Pandemic Context at the University of the Philippines Diliman” at ang panghuli ay ang “Isang Dede-kasyon: A Study on the Experiences Breastfeeding Staff, REPS, and Faculty of UP Diliman” ni Research and Publications Officer Stephanie Andaya. Pagbati sa UPDGO sa matagumpay na pagbabahagi ng karanasan nito sa gawaing pangkasarian sa panahon ng Covid-19 Pandemic.
Sulong, Bahaghari! Ginanap noong June 24, 2022 ang online Pride celebration ng UP Diliman na puno ng mensahe ng pakikiisa at mga pagtatanghal para sa Pride. Maraming salamat sa lahat ng nanood at nakiisa noong Byernes at lalong lalo na sa iba’t ibang sektor na nagpahayag ng suporta para sa adbokasya maging sa mga organisasyon at artista ng bayan na nagtanghal. Maraming salamat sa The UP Repertory Company, UP Kontra-GaPi, at UP LIRIKA, Doña Amour, Mrs. Tan, Aries Night, Kieffy, and Ally Nicole! Pagbati rin sa UP Diliman Office of Anti Sexual Harassment sa paglulunsad ng OASH Narratives na matatagpuan sa kanilang FB page. Inilunsad din ang bidyo ng mga kaganapan noong nakaraang pagdiriwang ng UP Diliman Women’s Month 2022. Bisitahin ang opisyal na Youtube ng opisina sa https://youtu.be/kfoZUjqNdI8 Patuloy tayong sumulong sa ating mga laban kahit tapos na ang Pride Month. Patuloy tayong manawagan para sa isang lipunang ligtas at malaya para sa lahat ng kasarian at ibang bulnerableng sektor ng lipunan. Manindigan lalo na sa panahong talamak ang disimpormasyon sa loob at labas ng social media. #UPDPRIDE2022 #SulongBahaghari #UPPride #EQUALITYNOW #UPDilimanPRIDE #SOGIEEqualityNow #UPDPride2022 #uppride #equalitynow #lovewins #UPPRIDE
Narito ang mga aabangang aktibidad ngayong UP Diliman Pride Month! Makiisa sa mga ito at gamitin ang hashtags: #SulongBahaghari #EQUALITYNOW #UPDPRIDE2022 #UPPride #UPDilimanPRIDE Maraming salamat sa obrang likha ni Patricia Ramos
SULONG, BAHAGHARI! PARA SA MALAYANG BUKAS UP DILIMAN PRIDE 2022 ISANG MAKULAY AT MAPAGPALAYANG BUWAN NG HUNYO! Kaisa ng buong LGBTQIA++ community ang UP Diliman at UP Diliman Gender Office sa martsa at pagdirirwang ng Pride Month. Ngayong taon, ang tatanganang tema ng UP Diliman para sa Pride Month 2022 ay Sulong Bahaghari para sa Malayang Bukas. Nabuo ang temang ito sa sama-samang pagkukuro-kuro at pag-aaral ng mga kasapi ng UP Diliman GAD Committee. Bitbit ang bahagharing kasaysayan, kwento, at paglaban, magpapatuloy sa pagsulong para sa malayang bukas ang LGBTQIA++ community. Hanggang sa kasalukuyan, talamak pa rin ang diskriminasyon at pang-aabusong natatamasa ng LGBTQIA++ community sa loob at labas ng unibersidad. Sa ginawang pag-aaral ng UPDGO na ‘SOGIESC Situation in UP Diliman’, ang karaniwang kaso na may kinalaman sa kasarian na nararanasan ng mga mag-aaral, empleyado, at kawani ng UP Diliman ay ang mga sumusunod: pisikal at sekswal na pang-aabuso, voyeurism at bullying online, discriminatory at stigmatizing na mga komento, at deadnaming o misgendering. Ito ay ilan lamang sa mga pang-aabuso at isyung kinakaharap ng komunidad kasabay pa ng pang-ekonomiya at pulitikal na mga suliranin. Sa panahong lumalakas at dumarami ang banta ng pag-atake sa mga karapatan ng mamamayan, lalong palalakasin ang ating hanay upang mas paigtingin ang boses at kulay ng paglaban para sa makatarungan at maginhawang buhay para sa lahat. Patuloy tayong susulong sa kabila ng hirap na dulot ng pandemya at sa hamon ng bagong administrasyong nasa ngayon ay walang malinaw na planong naihaharap sa taumbayan. Sa kabila ng mga kaganapang walang kasiguraduhan, ang ating mga kwento, karapatan, at pagkilos ang tiyak na sandata natin. Mahirap sumulong ngunit kailangang harapin ang hamon ng kasalukuyan. Mahirap magpatuloy ngunit posible lalo at sama-sama. Makiisa sa Pride ngayong buwan at gamitin ang mga hashtags sa inyong mga posts #SulongBahaghari #EQUALITYNOW #UPDPRIDE2022 #UPPride #UPDilimanPRIDE Maraming salamat sa obrang likha ni Patricia Ramos
Launched last December 2021, The UP Diliman UP Diliman Protocol for Gender-Based Violence Prevention and Response (GBV Protocol) aims to concretize and situate our vision as a University that appreciates diversity and respects all forms of expression.
admin
