Ginanap ang Masculinities Webinar at ASH Code Orientation para sa mga atleta ng CHK, kasama si Eric “Cabring” R. Cabrera (Masculinities Module Writer ng UPDGO) at si Dr. Teresa Paula De Luna (Coordinator, UP Diliman OASH), sa pangangasiwa ng parehong UPD OASH, UPDGO at U.P. College of Human Kinetics. Maraming Salamat sa partisipasyon ng ating mga atleta, at NAWA’Y TULOY-TULOY NA MAITAGUYOD ANG MGA LIGTAS NA ESPASYO SA ATING PALARUAN. #GST2021 #Masculinities #SafeSpaces
Idinaos noong Mayo 3-4 ang Online Gender Sensitivity Training para sa mga kawani at fakulti ng UP Diliman School of Statistics, UPD Office of the Vice Chancellor for Research and Development, UPD Archaeological Studies Program at UP Diliman Extension Program in Pampanga and Olongapo. Maraming Salamat sa paanyaya at pagdalo! #GST2021
Muling inaanyayahan ang lahat ng mga organisasyon at yunit ng UP Diliman para sa Pride Month Preparatory Meeting sa darating na Abril 27 (Martes, 1-3 NH via Zoom). Mainam na mayroon kayong maimungkahi para sa ating tema at mga aktibidad. RSVP: https://forms.gle/FHwWfYvUL4QawuKH8
Inihahandog ng Office of the Vice-Chancellor for Academic Affairs, UP Diliman (OVCAA) GAD Committee, sa pakikipagtulungan sa Health & Wellness Committee at ng UP Diliman Gender Office, ang KALUSUGAN NG KALALAKIHAN webinar na gaganapin sa Abril 28, Miyerkules, 1-3:30 PM. Nilalayon ng webinar na ito na talakayin ang mga işyu ng mga kalalakihan patungkol sa kanilang kalusugang pampisikal at mental, lalo na ngayong panahon ng pandemya. Tatalakayin din kung paano pangangalagaan ng mga lalaki ang kanilang katawan. Bukas ang webinar na ito hindi lamang sa mga lalaki kung hindi ay sa mga babae at miyembro ng LGBT community mula sa iba’t ibang opisina at yunit ng UP Diliman. Mag-register dito. Ipadadala namin sa email ang Zoom details. Maaari rin itong mapanood nang live sa UP Diliman Gender Office Facebook page. Kita kits!
Ginanap nitong ika-16 ng Abril 2021 ang “Stick with Love: Understanding SOGIE” sa pamumuno ng Isabela State University – Cauayan Campus, sa pangunguna ng ISU Admission Guidance Cauayan Campus, kung saan naging susing tagapagsalita ang aming SOGIE Officer na si Mx Gio Potes. Naging interaktibo at mayabong ang diskusyon kasama ang ilang mga estudyante, guro at mga guidance counselor ng pamantasan. Maraming salamat sa paanyaya at pagdalo!
admin
