Sa pakikiisa ng GAD Committee at ng iba’t ibang sektor sa komunidad ng UP Diliman, naging matagumpay ang pagdiriwang ng Pandaigdigang Buwan at Araw ng Kababaihan 2022. Ito ang taunang pakikiisa ng UP Diliman sa pandaigdigang kaganapan para sa kababaihan. Mula sa mga pagpupulong ng GAD Focal Point System, ang naging tema ngayong taon ay DEFEND UP: Manindigan para sa paghilom, pagbangon, pagsulong, at pagkakapantay-pantay! na sumasalamin sa kalagayan ng kababaihan at iba pang kasarian sa panahon ng pagbangon natin sa iba’t ibang krisis sa bansa. Sa pagpapatuloy natin sa ikalawang taon ng pandemya, nananatili pa rin ang ating paninindigan para sa pagsulong ng ating karapatan, kasama rito ang paghilom at pagbangon natin sa kahirapan, karahasan at karamdaman. Nananatili pa rin ang banta ng pag-atake sa Unibersidad dahil sa hindi pa rin nawawakasang usapin tungkol sa unilateral na pagkansela ng DND ng UP-DND Accord. Bilang Pamantasan ng Bayan, nararapat lamang tayong mandigan para sa karapatang pantao, kagalingan at kaligtasan ng kababaihan at lahat ng kasarian.
Tumindig, Kababaihan! Nakikiisa ang UP Diliman Gender Office sa pandaigdigang protesta ngayong Pebrero 14, 2022 upang tuluyang wakasan ang lahat ng porma ng karahasan laban sa kababaihan at kabataan. Patuloy na tumindig para sa karapatan at seguridad ng kababaihan!
Sa pagbubukas ng isang buwang pagdiriwang ng UP Diliman Pride 2021 na may temang “Sama All, Pantay All: Sumusulong, Yumayabong ang Pride sa Panahon ng Pandemya,” nais namin kayong imbitahan sa #SamaAllPantayall: LGBTQIA++ sa Panahon ng Krisis. Ito ay isang webinar na tatalakay sa kasalukuyang kalagayan ng LGBTQIA++ community sa panahon ng krisis. Makakasama natin sina Rep. Arlene Brosas (GABRIELA Women’s Partylist) Gabriela Women’s Party para sa SOGIE Equality Bill; Dr. Ame Lopez, (Region 2 Trauma and Medical Center) para sa Kalusugan ng mga LGBTQIA++; at Atty. Faith Sadicon (OutRight International) para sa pakikilahok ng LGBTQIA++ sa komunidad sa panahon ng pandemya. Kitakits sa 1 Hunyo, 2021 (2:00 – 4:00 nh). Abangan ang link kung paano makakapag-register sa webinar ito. MakiBeki! ‘Wag Mashokot! #SamaAllPantayAll #UPDPride2021 #SOGIEEqualityNow Illustration by CJ Reynaldo Caldatelier Maaaring panoorin ang LIVE video sa link na ito:
Sa pagpasok natin sa Buwan ng Pride ay napaalalahanan tayo kung bakit nagpapatuloy ang pakikibaka para sa pagkakapantay-pantay. Malinaw na HATE CRIMES o krimeng dulot ng pagkamuhi ang sinapit ng dalawa nating kasamahan, at sa karumal-dumal na mga pamamaraang ito’y nasaksihan muli natin ang mga ‘di makataong gawi ng patriyarkiya. Habang nakikidalamhati tayo sa lahat ng kaanak at kaibigan nina Ebeng Mayor at Junjie Bangkiao, hindi natitinag ang ating pagsulong para sa hustisya at sa tuluyang pagwawaksi sa diskriminasyon at karahasan na dinaranas ng komunidad ng LGBTQIA++. Salamin din ang mga pagpaslang na ito sa kasalukuyang pagkakabinbin ng SOGIE Equality Bill sa pamahalaan, at ang mas malawakang sitwasyon ng lipunang patriyarkal kung saan laganap pa rin ang panghahamak nang batay sa kasarian o seksuwalidad sa iba-ibang anyo at pamamaraan. Kaya naman nagpapatuloy ang Unibersidad ng Pilipinas Diliman sa pagyabong at pagsulong ng #UPDPride2021 sa tema nitong “SAMA ALL, PANTAY ALL: Sumusulong at Yumayabong ang Pride sa Panahon ng Pandemya”! Maging bahagi ng pakikibaka at pagdiriwang, bilang pakikiisa sa ating minimithiing pagkakapantay-pantay. Abangan sa mga susunod na araw ang mga aktibidad at programa ng UP Diliman para sa Buwan ng Pride! MAKIBEKI, HUWAG MASHOKOT! #UPDPride2021 #SamaAllPantayAll #SOGIEEqualityNow Illustration by CJ Reynaldo Caldatelier
Inihahandog ng UP Diliman Gender Office ang “#SamaAllPantayAll Online Cultural Night”. Halina’t manood ng mga likhang-sining para sa International Day Against Homophobia, Biphobia, Intersexphobia & Transphobia 2021. Makibeki, ‘wag mashokot! Maaaring mapanood ang programa sa link na ito: #IDAHOBIT2021 #SOGIEEqualityNow #SamaAllPantayAll
admin
